SEHEMU YA PILI
LOVE IS PATIENCE
MTUNZI; LULU HAMZA
ILIPOISHIA
Janeth akiwa amejua kuwa mdogo wake anamimba, aliamua kumuacha aende kuchukua fedha Kwa mwanaume aliyempa hiyo mimba.
ENDELEA
Janeth alitangulia nyumbani akapika na kufanya kazi zake nyingine, Adventina akarudi akiwa mnyonge sana na uso wake umevimba kwa kulia. “Vipi mbona hivyo?” “Yule kaka pale alipokuwa anakaa ameama na kamkimbia binti wa watu anamimba yake” “hee!! Mwingine” “ndio na wanasema ni tabia zake hata huko alikotoka” “nyamaza sasa usilie ngoja tuone tufanye nini”. Waliofia kumuumiza mama yao ambaye alikuwa kashapitia matatizo ya kutosha mpaka muda huo. Usiku mama yao aliambiwa Adventina ana malaria mbili kaandikiwa tu dawa.
Mwezi mmoja ulipita hali ya Adventina haikuwa nzuri kabisa “mimi naona tumwambie tu mama, naomba nisaidie dada Janeth” “sawa sababu hamna njia nyingine hapa”. Jioni Wakiwa wanaangalia TV yao yenye rangi mbaya na watu wasioonekana vizuri Janeth alimuelezea mama yake kuhusu mimba ya Adventina. Masikini mama wa watu hakua na neno la kuongea wala la kupunguza sababu kwanza hakutegemea kabisa, alipanda kitandani akalala bila kusema neno lolote.
Kesho yake asubuhi aliwai kazini kwake, kila alichoshika hakikufanyika mawazo yalimtawala sana. Alishituliwa na makelele ya mwenye nyumba yake “wewe mama Janeth wiki ya tatu sahivi naitaji kodi yangu au leo naenda kutoa vitu vyako nje” “nakutafutia mama yangu, wiki hii mwishoni nakupa yote” “nimechoka kila siku mwisho wa wiki leo jioni nataka pesa lasivyo utafute pakulala” “sawa”. Yule mama aliondoka mama Janeth akakaa kwenye kiti alihisi kizunguzungu akajitaidi kunywa maji aliinuka akaendelea kupika. Janeth alikuja kumsaidia mama yake “umemuacha mwenzio pekee yake sasa” “nimeona nije nikusaidie” “hapana mimi sina kazi leo kampikie mwenzio chukua hii ela kamtafutie nyama robo anywe supu kabla ujaiiunga. Itoshe na usiku hiyo mboga” “sawa mama”.
Jioni mama Janeth alitoa fedha aliyokuwa kamuekea Janeth iliaende shule akalipa kodi alikuwa na uakika wa kupata fedha kwenye michezo ya kina mama kesho yake. Alipofika nyumbani alikuta hali ya Adventina sio nzuri Ilibidi waende hospitali ambako alilazwa baada ya kukuta hana damu ya kutosha. “jumla shingapi dada” “inakuwa elfu ishirini na tano” “mmh aya sawa” mama Janeth alirudi nyumbani akakopa kwa majirani ili akamlipie mtoto wake. “na damu unalipia mama” “hee jamani kwani damu si bure?” “uliambiwa wapi? Ila sababu ya huruma lete elfu kumi na tano nikuchukulie” alijikagua mifuko yote akawa na elfu kumi tu. “hee! Hata hiyo inakushinda basi tena, atawafia hapa huyo mtoto”.
Mama Jane alirudi taratibu chumba alichokuwa mwanake moyo wake ukaumia sana alipowaangalia watotozake. Akajitaidi kufuta machozi wasimuone alikuwa ajala chochote tangu alivyopewa taarifa za Adventina jana usiku. Alihisi kizunguzungu kikali ghafra akaona giza zito machoni kwake alijitaidi apige hatua ila alishindwa akaangua Janeth alishituka. “mamaaa!!”. Mama yake alikuwa kadondoka na kupoteza fahamu, hii ililetwa na msongamono mkubwa wa mawazo aliokuwa nao siku hiyo Ilibidi wampumzishe wodini.
Janeth alizunguka vyumba vyote viwili asijue cha kufanya, alihisi ndoto zake zote zinapotea ndani ya muda huo mfupi. Majirani waliwaletea chakula kwa usiku huo, kesho yake asubuhi Janeth alirudi nyumbani akapika chai na vitafunwa akapeleka hospitali. Akiwa anaondoka alipita mapokezi kuuliza kama mama yake anaweza kururhusiwa “mtoto nenda chumba namba sita na hili faili alafu muulize daktari” “sawa asante”.
Janeth aliingia kwa daktari “hakuna mtu Mzima nyumbani au baba?” “Hapana hakuna” “wazazi wa mama yako?” “Walifariki na mama alizaliwa pekee yake kwao”. Yule daktari alitulia kimya akaangalia lile faili “mama ataruhusiwa leo ila inatakiwa asifanye kazi ngumu, kwa sasa anaendelea vizuri ila moyo wake umetanuka” “akitumia dawa utarudi lakini?” “Inawezekana ila tu mjitaidi asiwe na mawazo na msimuuzi pia asifanye kazi nyingi sawa mtoto mzuri” “sawa daktari”. “Aya nimeandika dawa za kuanzia peleka mahabara hiyo ni nusu dozi, chukua hii elfu ishirini utalipia dawa” “Asante sana daktari”. Janeth alienda kulipia dawa akarudi mapokezi “gharama ya mama ni shilingi ngapi?” “umesaidiwa kulipa na yule kijana pale na mdogo wako karuhusiwa ila mpaka ile dripu ya damu imalizikie” “asante”. Janeth alibaki anamshanga yule kaka alimuangalia vizuri ila hakukumbuka kama wamewai kukutana, Alisogea hadi pale kabla Janeth ajaongea kitu yule kaka aliinuka “usijari dada binadamu kusaidiana”. Kabla Janeth ajasema neno lolote yule kijana aliondoka akainingia kwenye gari na kuondoka, Janeth alienda alipo Adventina alikuta mama yake anapanga vitu. “acha nitapanga mama usijari” “sawa, Adventina leo naona huko vizuri” “tangu wameniwekea dripu ya damu niko salama” “Janeth baki na mdogo wako nikapike chakula cha mchana utakula niini Adventina?” “Hapana baki hapa mama nitaenda kupika haina shida, pia mama kuna kaka amelipa bili zote za hapa hospitali sijajua ni nani” “hee!! Mungu ni mwema hakika”.
Janeth alirudi nyumbani akaanda chakula mawazo yote ya kwenda shule yakapotea. Alijitaidi kujikaza ila machozi yalimtoka alipomfikiria mama yake, alipeleka chakula hospitali.
ITAENDELEA
